PlayStation「召喚! 神一般の隊友!」 神Teammate現身

萬聖節即將來臨,大家是時候與好友聚頭,「依嘩鬼叫」大玩 PlayStation 刺激及恐怖遊戲 ﹗但玩遊戲最怕遇上豬隊友,所以今次 PlayStation 再度與創意單位AllRightsReserved合作,為全城玩家「召喚!神一般の隊友!」,7位藝人、名人及網絡紅人變身為人人都想爭奪合作的「神Teammate」,齊齊挑戰PlayStation 2018一系列最強遊戲。

 


其他內容

幕後花絮
精選圖集
購物優惠

你身邊有這樣的隊友嗎?

隊長型


心口掛住個「勇」字,一開 game 就帶住隊友衝向敵陣,務求以最快速度擊敗敵人。通常佢哋都係「天體主義」,乜裝備都唔帶,所以要有好隊友配合先可以突破重圍。

推介遊戲:
Days Gone

評論家型


呢類隊友通常得個講字,成日懶係有plan有策略,仲會成日「過隊友兩招」等大家一齊進步。無可否認,佢哋對分析遊戲確實有獨到見解,所以不妨聽下佢哋意見。

推介遊戲:
Overcooked! 2

問題型


呢類玩家通常一入game就問題多多,好似「呢把武器點用架?」、「呢度要撳邊個制架?」,呢頭問完轉頭又再問。

雖然問題多多,但通常喺問問題嘅同時,會啟發到隊友以創新方法智破敵人,有時仲會為隊友帶來無限笑料添。

推介遊戲:
Call of Duty: Black Ops 4

女神型


呢類玩家通常喺遊戲入面招兵買馬,叫隊友俾晒啲子彈同資源佢,仲會叫啲兵做擋箭牌,以他人之力換取勝利。

不過跟據非正式統計,「女神型」玩家嘅真身,極有可能係男生嚟架。

推介遊戲:
Red Dead Redemption 2

課金型


呢類玩家通常將「有錢唔係大晒」掛喺嘴邊,話自己係用實力取勝,但背後往往係重課之人。

不過,只要大家相處得到,佢哋通常都會成為最強勁嘅火力支援。

推介遊戲:
FIFA 19

努力奮鬥型


正所謂「一拳唔得,咪兩拳囉!」,呢類玩家打機天份未必好高,但憑著佢哋嘅努力,日日操機,終有一日會將技術練到爐火純青,輕鬆打贏最終Boss。

推介遊戲: 
SEKIRO: SHADOWS DIE TWICE

器材先決型


呢類人覺得打機除咗要有實力,有好嘅打機周邊更會事半功倍,所以經常推介隊友買好嘅周邊設備。

由射擊控制器、格鬥大制、賽車軚盤、4K電視等,樣樣都要買頂級model。無論買乜都好,只要買行貨就係最好。

推介遊戲:
Blood & Truth